The Salfee Bar

營業中

休息中

想特別一讚，6月15號夜晚七點，剩返佢一個未收工短平直頭髮嘅女職員，個個女職員好好人，佢已pack哂野，整理d食物，但都為我特登再拎返d食物出嚟，做埋我個單，真係一個好員工！！ 今時今日香港難得咁好服務嘅好員工！！不嬲有食開呢間店嘅沙律，覺得多種類，好味同抵食，兩款$68，三個款$78，新鮮有益健康，特別鍾意佢嘅蘋果薯仔沙律，有時我會再加埋湯。Openrice話佢收十點，我都覺得奇怪，因為平時經過都好早收工，而今日我大約7:00夜晚去到，職員都差唔多收工，收晒嘢準備將啲沙律同食物放入雪櫃，但係佢見我一場嚟到，又落大雨，佢好好人幫我再pack埋我想要嘅沙律，同平時一樣我繼續嗌我嘅薯仔蘋果沙律同埋長通粉沙律；另外一款吞拿魚沙律，我就麻麻哋，因為太多洋蔥。