舊機場車仔麵

營業中

休息中

車仔麵檔越來越少見，尤其在啓德站附近，雖然有airside，但有時自己一個想簡單d平平地食餐飯都唔易，今次搵食行左一輛啓德站望下，原來有間舊機場車仔麵😂啓德用舊機場設計幾有諗頭🤣重點叫番兩碗車仔麵食下先，見佢除左可以揀幾餸的車仔麵之外，仲有煎魚麵餐。叫左個蟲草花黃花魚米粉，同一個四餸米粉。🐟條黃花魚煎得好靚，金金黃黃，食落好脆口，外脆內嫩，入面的魚肉好嫩滑，加上蔥花豉油，好襯碗蟲草麵。🍜另外碗四餸，墨魚頭彈牙，豬頸肉厚身大塊，五香牛肚熬製得入味軟淋，仲有大大條炸蟹棒，加腩汁，叫左BB辣，更惹味。埋單$131，兩碗麵，有位坐慢慢食，餐廳都算乾淨，有紙巾提供，呢個要讚，無咩車仔麵檔做到。