渡船角海鹽燒 (已結業)

真係好耐無寫過食評，唔係咁嬲都唔會寫，當晚全間餐廳連埋我地有三枱人，我地揀咗最邊邊嘅枱坐，由於張枱底有個大籃俾人放袋，變相枱底都比較迫，我對腳係擺出咗，第一次個女侍應上菜嗰時，有講叫我借借，走咗之後我就再放返對腳出嚟，到第二次上菜，個女侍寢勁惡咁講:「小姐！唔該你收返你對腳入去呀！你咁樣會kick到我嫁！唔該！」其實你叫我收，我咪收囉！唔通我特登想你kick到？同埋你都係叫咗一次借借，叫咗幾次我唔收就係我問題啫，洗唔洗惡到好似殺你全家咁呀？都終於明白點解間餐廳咁空，啲嘢食不過不失，無話特別好食，呢個態度幾好食我都唔會再嚟