樂意扒房 (已結業)

小時候每隔幾個weekend, 爸爸媽媽會帶我黎食set lunch. 而我地會每人一個羅宋湯, 暖笠笠嘅麵包, 西冷with 好香嘅牛油煎薯仔, 豆角加埋餐茶甜品. 到今時今日, 好似有種情意結咁我會自己帶朋友黎食。餐廳依舊但人面已全非. 以前所有嘅侍應生都係上咗年紀嘅伯伯, 依家大部分都係後生仔女, 仲會係外地人添. 以前嘅紅湯足味足料, 依家淡咗仲變咗cream of tomato, 味道尚可但已經唔係嗰回事。個扒依舊俾到medium rare我, 亦都有以前水準, 但係佢地竟然offer黑椒汁西冷... 變咗真正嘅豉油西餐, 同波X頓, 扒X之X一樣level了.... 我諗我以𢓭仲會黎幫襯,係因為我掛住以前嘅Louis steak house.