皇庭匯 (已結業)

勸大家來旺角西富榮花園附近呢間 皇庭匯 飲茶時小心啲！我今日陪我媽飲茶，我媽年紀大傻下傻下又老花，睇唔到我寫咗張特價紙，係另一張正價紙點咗同一樣嘅“百花釀魚肚”，我又本住老人家想食咩就由佢叫嘅心態無check佢點咗咩。最後來咗兩籠無論份量同外表都一模一樣嘅“百花釀魚肚”。查過單係我媽點嘅，唔退得，唔緊要，我哋兩丁友食唔晒大不了打包，鬼叫係我媽自己寫。但同樣分量嘅點心死都要收多4蚊呢下嘢，唔係俾唔起，係我覺得我有被屈嘅感覺，而且理論時言語之間我個經理係有心要啲客硬食。呢度有好多老人家，好似我媽咁傻下傻下咁中招，就代表其他老人家都有可能中招！出面大部酒樓都有分特價同正價紙，但人哋同一時段同一款嘢都係統一價錢。呢度就同一時段同一款嘢同一份量但兩個價錢，係唔係有心欺騙顧客，自己心裡有數就好。自從出咗消費劵，好多商店諗盡方法去呃錢。老老實實，就算個客有錢都唔代表可以俾你呃㗎！P.S. 食咗一籠先記得影相，兩籠係一模一樣的！By the way，燒賣啲蝦唔新鮮一陣味！