影片
更多
2020-12-13
336 瀏覽
佐敦出左名想食乜有乜，中餐西餐乜都有，聽聞呢度有一間多國fusion菜，話多款式之餘又好高質，聽講平時係要book位先食到，但可能由於疫情關係，當晚唔算太多人，所以就一於一戰！地點：位於柯士甸站同佐敦站嘅中間，不過佐敦站會相對就腳啲。同時係九龍公園北面出口嘅斜對面，方便就腳！環境：餐廳由印度裔人士打理，燈光較暗，有一個開放式嘅bar枱，入面放左好多唔同種類嘅美酒，提供唔同種類嘅cocktail同mocktail，可以話你講得出嘅佢呢度都有！確實係一個可以約埋三五知己飲返杯嘅好地方！食物質素：門牌打著意大利、印度、墨西哥、中東菜，呢度嘅食物種類又係你講得出嘅都有，印度咖哩、泥泊爾餃子、各式各樣嘅pizza、burrito taco、kebab轉轉烤肉....多到數都數唔曬坐底點完菜後，待應就主動咁拎左一碟小小印度脆餅配上扁豆醬，香脆可口，醬汁帶有微微嘅薄荷味道，清新開口！黎到印度式主菜，我地今日叫左一份Lamb Masala，一份印度薄餅同埋mango lassi。Lamb Masala即係甜椒蕃茄咖哩，味道偏鮮甜，比較適合唔食辣嘅朋友仔。羊肉方面煮到唔會太淋太散，食得出好微微羊嘅羶味，
地點：位於柯士甸站同佐敦站嘅中間，不過佐敦站會相對就腳啲。同時係九龍公園北面出口嘅斜對面，方便就腳！
環境：餐廳由印度裔人士打理，燈光較暗，有一個開放式嘅bar枱，入面放左好多唔同種類嘅美酒，提供唔同種類嘅cocktail同mocktail，可以話你講得出嘅佢呢度都有！確實係一個可以約埋三五知己飲返杯嘅好地方！
食物質素：門牌打著意大利、印度、墨西哥、中東菜，呢度嘅食物種類又係你講得出嘅都有，印度咖哩、泥泊爾餃子、各式各樣嘅pizza、burrito taco、kebab轉轉烤肉....多到數都數唔曬
坐底點完菜後，待應就主動咁拎左一碟小小印度脆餅配上扁豆醬，香脆可口，醬汁帶有微微嘅薄荷味道，清新開口！
黎到印度式主菜，我地今日叫左一份Lamb Masala，一份印度薄餅同埋mango lassi。
Lamb Masala即係甜椒蕃茄咖哩，味道偏鮮甜，比較適合唔食辣嘅朋友仔。羊肉方面煮到唔會太淋太散，食得出好微微羊嘅羶味，對於唔鍾意食羶味嘅人都絕對可以接受！面頭仲好有誠意咁加左隻蛋比大家食咖喱汁配埋印度薄餅，香甜可口又有羊嘅鮮味，真係食到停唔到口
配返杯芒果印度乳酪飲品，味道唔會太甜而且又可以清一清咖喱濃烈嘅味道，建議大家都不妨叫番杯試試！
除左咖喱之外，仲叫左另一個招牌菜Four Seasons Pizza，入面有辣味雞肉、菠菜、烤薯仔、磨菇配酸辣醬及鮮忌廉，有薯仔嘅薄餅我真係第一次食第一個感覺就係好邪惡嘅一道菜，因為真係好高熱量...但味道方面原來係好有口感，勁有咬口，雞肉微微辣，十分香口。酸辣醬同鮮忌廉呢個配搭都係第一次食，又出奇地好食😋酸酸甜甜咁樣十分開胃，好快就比我地成碟清曬lu
服務：同店員溝通係需要用英文的，佢地好熱情，又主動問你洗唔洗添食印度脆餅同加水，而且又會主動送上搓手液比大家清潔雙手，讚👍
價錢：單睇價錢係屬於中等價位，但份量同味道都係屬於高水準嘅水平，而且又有咁多種選擇，下次黎又可以試唔同種類嘅野食，所以好推薦大家係呢度約埋朋友黎聚一聚
張貼
