影片
更多
2021-08-15
196 瀏覽
好少咁好心機打食評，但呢間食完真係有感達劣食之癲。食完返到屋企我地兩位都肚痛肚痾，我唔會話一定係佢，只可以話有無咁啱。//一坐低落咗第一轉嘢食，耐到追佢兩次都唔嚟，連隔離遲入座過我地都已經嚟咗。好聲好氣問佢係咪漏咗單，個後生仔店員仲西西地面答話嚟緊，已經有啲不滿。到嘢食嚟到又無沙白，以為未到，再問先話沙白無啦，大佬我俾足錢入嚟食，你menu上嘅野有野無係咪應該講聲？我地睇返menu，先見到一句有食材無恕不另行通知，一間小店都可以咁臭串笠頭盔笠到咁嘅地步，真係見識少。//到食物質素，我地都覺真係差到一舊水都唔值。個湯底叫咗胡椒藥膳魚肚湯，嚟到已經索到一大浸味精加重胡椒味，一食，果然係味精湯。放幾粒杞子就叫自己藥膳，根本一啲藥膳味都無，魚肚更加唔洗講，係一舊都無。//食食下想加湯，食過咁多邊爐間間都會係加乳白色嘅上湯，呢度係直接幫你倒滾水，我地見到真心吹漲。hea都唔好hea到出樣吖大佬。係比一般平姐，但都百六蚊架。//到邊爐最重要嘅牛，每次叫都只係嚟得幾塊，仲要鬼咁細舊，目測得8cm左右，肥膏多到又無牛味，仲鞋過樹皮，真心佳寶都可能仲好食啲，有圖有真相。。落柯打叫嘅芫茜肥牛卷，塊牛真係嚇
一坐低落咗第一轉嘢食，耐到追佢兩次都唔嚟，連隔離遲入座過我地都已經嚟咗。好聲好氣問佢係咪漏咗單，個後生仔店員仲西西地面答話嚟緊，已經有啲不滿。到嘢食嚟到又無沙白，以為未到，再問先話沙白無啦，大佬我俾足錢入嚟食，你menu上嘅野有野無係咪應該講聲？我地睇返menu，先見到一句有食材無恕不另行通知，一間小店都可以咁臭串笠頭盔笠到咁嘅地步，真係見識少。//
到食物質素，我地都覺真係差到一舊水都唔值。個湯底叫咗胡椒藥膳魚肚湯，嚟到已經索到一大浸味精加重胡椒味，一食，果然係味精湯。放幾粒杞子就叫自己藥膳，根本一啲藥膳味都無，魚肚更加唔洗講，係一舊都無。//
食食下想加湯，食過咁多邊爐間間都會係加乳白色嘅上湯，呢度係直接幫你倒滾水，我地見到真心吹漲。hea都唔好hea到出樣吖大佬。係比一般平姐，但都百六蚊架。//
到邊爐最重要嘅牛，每次叫都只係嚟得幾塊，仲要鬼咁細舊，目測得8cm左右，肥膏多到又無牛味，仲鞋過樹皮，真心佳寶都可能仲好食啲，有圖有真相。。
落柯打叫嘅芫茜肥牛卷，塊牛真係嚇死人，真心，塊肉未煮都幼過我手指尾，烚埋真係可以話係渣都無，好心啦，開間邊爐要咁孤寒切到舊牛咁不如唔好做啦，真係好寒酸。塊牛有幾誇自己睇，目測闊度得2 3支竹籤咁多架咋。。
仲有個泡椒肥牛卷烚完變咗咁，塊牛又係細到條毛咁，表示驚嘆。
其他食材其實真係佳寶級數。全部都係丸、腸、菜、麵類，得雞腎同水魷叫做好少少，其他真係衰啲講句全部cheap雞野。其實呢個價錢，都成百六蚊我寧願俾多廿蚊去其他邊爐鋪起碼會有些少海鮮、脆鯇、雞肉、魚滑呢啲大路野。//
連一啲普通到不能普通嘅食材都處理唔好，啲豬皮完全唔新鮮，啲菇擺到發黃又霉哂好似擺咗十世咁。。。
仲有啲雞翼，圖中呢度我想話攞起一串，然後成棚雞翼會一齊拎得起，未解凍完就唔好拎出嚟啦，最後由於對呢間野已經係放棄狀態填肚就算，拎都費事拎了。
其他仲有連基本嘅沙茶醬都無、紙巾無、湯殻又要自己行去拎(which is 邊爐鋪嚟)、員工態度差等等相對已經算少事了。一句總結嚟講，下次請我都不了。
張貼
