影片
更多
2017-11-14
1770 瀏覽
元朗一間好出名嘅由潮洲人主理嘅粉麵店，除左有名嘅新鮮牛雜啦，仲有每日新鮮手打嘅丸類都係相當出名咖！呢間老字號，好似由幼稚園開始就已經屹立左係呢個地點好耐，經過金融海嘯之後物價騰貴，所以呢碗看似普通嘅墨魚丸河，而家一碗要四十幾蚊咖！淨買一斤墨魚丸都要一百六十蚊！問你死未？對我而言，價錢貴的確令人卻步，但呢碗河粉有著一種魔力，一兩個月內會想去再食一碗嘅魅力！事不宜遲，簡單講下佢點樣留住我個心。河粉自家出品，河粉晶瑩剔透，一啲都唔粗糙，同湯汁一齊食，非常入味又滑口！至於墨魚丸，每日新鮮之外，唔多粉又足料，除左會食到墨魚肉之外，而且非常爽口彈牙！不過，美中不足之處係，其實湯底同丸肉的確比較味重，時常食食下會感到口渴。所以一般光顧時都會叫杯五花茶，幸好唔算太貴，而且都良心嘅份量，叫一杯飲咁就舒緩番味精嘅問題。嗯，總括雖然係貴，但想食就係任性，一而再再而三咁樣去幫襯，港島區食個飯咪又係一樣價錢，好奇就去試下呢個貴價墨丸河啦！
呢間老字號，好似由幼稚園開始就已經屹立左係呢個地點好耐，經過金融海嘯之後物價騰貴，所以呢碗看似普通嘅墨魚丸河，而家一碗要四十幾蚊咖！淨買一斤墨魚丸都要一百六十蚊！問你死未？
對我而言，價錢貴的確令人卻步，但呢碗河粉有著一種魔力，一兩個月內會想去再食一碗嘅魅力！事不宜遲，簡單講下佢點樣留住我個心。
河粉自家出品，河粉晶瑩剔透，一啲都唔粗糙，同湯汁一齊食，非常入味又滑口！至於墨魚丸，每日新鮮之外，唔多粉又足料，除左會食到墨魚肉之外，而且非常爽口彈牙！
不過，美中不足之處係，其實湯底同丸肉的確比較味重，時常食食下會感到口渴。所以一般光顧時都會叫杯五花茶，幸好唔算太貴，而且都良心嘅份量，叫一杯飲咁就舒緩番味精嘅問題。
嗯，總括雖然係貴，但想食就係任性，一而再再而三咁樣去幫襯，港島區食個飯咪又係一樣價錢，好奇就去試下呢個貴價墨丸河啦！
張貼
