影片
更多
2019-05-13
214 瀏覽
話說星期六朝早十一點零鐘嚟到元朗，處理完啲事之後，又未到食飯時間，諗住hea到12點食飯。跟住突然靈機一觸，不如去試下永年士多嘅總店喇。其實呢間餐廳想試好耐架喇，由佢未裝修之前去到而家一樣係大排長龍，每次經過見到咁多人等位都唔使入去 ，望一望手錶，大約11點九，鋪頭都未開門，應該未有人排隊啩。點知去到就出事喇，原來已經排咗一堆人，間鋪12點開門，最後都順利被一輪入咗去。難得嚟到，一於就試過最勁嘅面。十寶大碗麵。一見到碗麵都覺得好誇張，啲餸疊得好高。十寶麵包括左魚蛋，豬紅菜，紅腸，魷魚，豬皮，豬大腸，雞翼尖，雞翼，蘿蔔。豬皮真係好爽好大牙，豬大腸就好入味，蘿蔔亦都好爽甜，真係唔怪得佢有咁多人等位。都係嗰句，難得嚟到，唔爭在試埋佢兩個特飲，綠茶紅豆特飲，綠茶有些少苦澀，但配上紅豆就恰到好處，奶茶紅豆就相對甜些少，兩杯都好飲嘅，就睇下大家想甜啲定還是清啲呀。
難得嚟到，一於就試過最勁嘅面。
十寶大碗麵。一見到碗麵都覺得好誇張，啲餸疊得好高。
十寶麵包括左魚蛋，豬紅菜，紅腸，魷魚，豬皮，豬大腸，雞翼尖，雞翼，蘿蔔。
豬皮真係好爽好大牙，豬大腸就好入味，蘿蔔亦都好爽甜，真係唔怪得佢有咁多人等位。
都係嗰句，難得嚟到，唔爭在試埋佢兩個特飲，綠茶紅豆特飲，綠茶有些少苦澀，但配上紅豆就恰到好處，奶茶紅豆就相對甜些少，兩杯都好飲嘅，就睇下大家想甜啲定還是清啲呀。
張貼
