The Fat Oyster

營業中

休息中

老婆突然想食生蠔，作為老公既我當然二話不說即時陪老婆揾食。我倆去到觀塘駱駝漆睇了好幾間，再上網查看後，決定去呢間the fat oyster。間店有好多套餐，又有不同的優惠，睇到眼花撩亂。最終決定買一打送半打既法國水中花。再加阿根廷紅蝦。紅蝦好大只，但可能期望太高，味道沒有預期的鮮甜。食完紅蝦，輪到主角生蠔出場。生蠔上台時好吸引，好大只。每只都有海水，味道鮮甜，沾或不沾檸檬一樣出色。而且食完離開駱駝漆後，口腔內仍有生蠔的餘韻。不錯。最重要的是，食完沒有肚痛。