陳福榮餅家

營業中

休息中

今次真係嬲到寫食評。陳福榮係做街坊生意，我久唔久行過都會買早餐。每次都係行過時，見到門口位置放一盤新鮮出爐既蛋撻就會覺得好香而買。今日都唔例外，點知阿姐就從一盤唔熱既架上面攞蛋撻俾我。我：呢d係咪新鮮架？阿姐：全部都係新鮮既我隔住膠袋摸左個蛋撻皮一下，凍既。Ok，咁可能大家對「新鮮」既定義唔同啦我：我可唔可以要盤上面果d？阿姐已經擺起塊面，再同一個女仔細細聲講野，我企係度真係好唔舒服，既然你擺得一盤熱既蛋撻係門口引人買，咁我想食係咪有錯呢？平時比錢找錢都係門口進行，一手俾一手，今日我如常係將錢交佢手中，點知佢找錢時將個五毫子掉係佢後面既台面，我要行去佢後面張台汁番果五毫子，果刻真係超委屈，覺得自己好似黑衣咁。我知我唔係大客，就算我以後唔食都唔會影響你，但我都係鍾意你地既新鮮蛋撻，點知好似受氣咁。平心而論，新鮮既蛋撻，係好食既，不過骨氣更重要，多謝你地既一流態度，我以後唔會再買。