川莊

營業中

休息中

老婆想食辣嘢，今晚嚟咗呢間川莊試下。去到門口，都幾多人等緊，不過好彩2人枱去得幾快。等咗半粒鐘到就入座。呢度原來都有手機下單，都幾方便。喺揀緊食咩時，先冲杯八寳茶。焗一焗先飲，茶味帶少少甜。先嚟個土豆絲，辣味好怪，好"人工制造"。水煮魚。配料揀咗長豆卜，秀珍菇，牛栢葉同木耳。佢啲木耳我就話係雲耳，唔知有無執錯料。呢個水煮嘅辣就天然啲，我地叫咗2級辣，下次應可再加辣。魚肉份量都多多，肉地算嫩滑。叫多個燒羊架，唔夠騷。勝在調味夠味同熱辣辣。不過$42有點貴。叫多個小饅頭，有12粒。一啖一粒，點埋鍊奶解下辣。整體不錯，應會再嚟幫襯。