影片
更多
2022-05-31
370 瀏覽
好耐冇得去泰國輕鬆吓，唯有喺香港食泰菜補數，一諗起泰國菜，就自然想起小曼谷，因為每次都唔會失望！今次唔食木瓜沙律，試吓“泰式醃粉絲海鮮沙律”，真係好後悔咁遲先試，有蝦、帶子、魷魚等等海鮮，加埋生菜、粉絲、車厘番茄等等，小小辣，特別醒神開胃！今次點海鮮孖寶，要咗“燒蟶子皇”同“燒脆皮白鱔”，白鱔就幾乎每次嚟都會食，唔使多介紹，蟶子都燒得剛好，唔會過火搞到好韌，size都幾大隻！“泰式飛天通菜”，最掛住泰國街邊食飛天通菜，超級惹味，美中不足係通菜唔當造！“冬蔭公湯”太座迎合我級數點咗小辣，但都好惹火，哈哈，香味濃郁，裡面嘅材料都好豐富，通常喺第二度食隻蝦多數霉肉，呢度真係好爽口！“泰式炸蝦餅”炸得外面熱辣辣，入面蝦肉彈牙，証明唔係雪藏貨！“泰脆炸豬手”意想不到咁脆口，入面肉又嫩滑，絕對要推介，一定要試！“泰式叉燒臘腸飯”我咀刁刁個5歲仔一個食咗大半碟，都唔使講有幾好味啦！到咗每次都必定會叫嘅“芒果沙冰”同“芒果糯米飯”，又係一家爭飲爭食嘅時間，呢度嘅沙冰有別坊間，幾乎飲到全部芒果，唔係冰碎多過果肉；糯米飯煙韌鬆軟暖笠笠，配上甜甜芒果一啖一啖，幾飽都食得落！食咗咁正斗嘅一餐，應該好快又會思鄉
今次唔食木瓜沙律，試吓“泰式醃粉絲海鮮沙律”，真係好後悔咁遲先試，有蝦、帶子、魷魚等等海鮮，加埋生菜、粉絲、車厘番茄等等，小小辣，特別醒神開胃！今次點海鮮孖寶，要咗“燒蟶子皇”同“燒脆皮白鱔”，白鱔就幾乎每次嚟都會食，唔使多介紹，蟶子都燒得剛好，唔會過火搞到好韌，size都幾大隻！
“泰式飛天通菜”，最掛住泰國街邊食飛天通菜，超級惹味，美中不足係通菜唔當造！
“冬蔭公湯”太座迎合我級數點咗小辣，但都好惹火，哈哈，香味濃郁，裡面嘅材料都好豐富，通常喺第二度食隻蝦多數霉肉，呢度真係好爽口！
“泰式炸蝦餅”炸得外面熱辣辣，入面蝦肉彈牙，証明唔係雪藏貨！
“泰脆炸豬手”意想不到咁脆口，入面肉又嫩滑，絕對要推介，一定要試！
“泰式叉燒臘腸飯”我咀刁刁個5歲仔一個食咗大半碟，都唔使講有幾好味啦！
到咗每次都必定會叫嘅“芒果沙冰”同“芒果糯米飯”，又係一家爭飲爭食嘅時間，呢度嘅沙冰有別坊間，幾乎飲到全部芒果，唔係冰碎多過果肉；糯米飯煙韌鬆軟暖笠笠，配上甜甜芒果一啖一啖，幾飽都食得落！
食咗咁正斗嘅一餐，應該好快又會思鄉病發！
泰式醃粉絲海鮮沙律
20 瀏覽
1 讚好
0 留言
燒蟶子皇
27 瀏覽
0 讚好
0 留言
燒白鱔
24 瀏覽
0 讚好
0 留言
冬蔭公湯
28 瀏覽
0 讚好
0 留言
泰式炸豬手
10 瀏覽
0 讚好
0 留言
泰式叉燒臘腸飯
7 瀏覽
0 讚好
0 留言
芒果沙冰
7 瀏覽
0 讚好
0 留言
小曼谷原隻芒果糯米飯
8 瀏覽
0 讚好
0 留言
張貼
