逸東餃子

營業中

休息中

一想食煎餃就會幫襯佢，見未人齊就叫吓小食食住等，平時實叫嘅豆腐就照舊，見到有皮蛋酸薑就試吓啦，皮蛋一d都無嗰陣“壓”味，連埋酸薑一齊食係正，酸薑又脆又夠味，呢樣下次可以再叫，唔知可唔可以多酸薑呢平時粟米芝士餃會叫湯餃，今次轉食埋煎餃，果然一放低響檯就食，好似芝士醬包粟米嘅感覺比湯餃明顯，另一食法都唔錯。韮菜煎餃又係我必叫嘅食物。之後仲買咗兩盒生餃番屋企煮，因為唔係住附近，10隻送兩隻又抵，放冰格又可以隨時食，比起超市急凍餃感覺好似新鮮d, 員工叫我最好7日內食晒佢。