馬家莊清真館 (已結業)

約了三位長輩聚會，唔想嚟嚟去去都係飲中茶，但老人家又食得唔多，食物款式口味又要接近他們，諗了一陣，還是帶他們來馬家莊好了。我們叫了必食既牛肉餅(廿年前會去九龍城食，後期多了遊客，牛肉餅的質素下降後，已去少了，呢間馬家莊，由初初在雷生春對面的小店開始幫襯，到現在呢間舖位，每次嚟馬家莊食牛肉餅都沒失望過。)當然要叫比老人家試試囉。另叫了牛肉水餃(肉及肉汁美味)。鍋貼(底部仍是脆脆的，好味)。羊肉捲(我唔喜歡食羊，怕羶味。但家人話好食，冇羶味。)另叫了兩個午餐套餐，一個炒飯(炒得好靚也好香，味道也不錯，包埋飲品。)一個蝦仁湯麵(普普通通，唔難食，也包飲品。)，另額外叫多兩杯飲品，埋單才三百幾，老人家又食得開心，我們大約13:45左右才到達，最繁忙的午餐時間開始散，在不阻人做生意的情況下，仲可以慢慢坐低傾吓偈呢！呢間是我想食牛肉餅時的必去食肆。