潮福蒸氣石鍋 (已結業)

想食蒸氣鍋又夠飽肚又夠鮮我都會諗起潮福，分店又夠多，而且地點都好方便。而且我同女朋友都好鍾意可以食任食嘅嘢！相信依頂草帽大家都好熟悉嘢飲依間係自助形式去拎嘅，我比較好鍾意！汽水呀啤酒呀都係任飲嘅！點餐分為兩部份自選海鮮，同任食部份！任食方面，我哋就真係好鍾意食牛，點幾多真係會出返幾多，肉汁完全爆出來， 肉嫩入口有牛肉的香味。 肉質鮮美味，口感柔嫩適。大元貝好食，簡單來說夠鮮味，加上蒜蓉及粉絲以增加口感層次！唔需要加醬料係最好食嘅！馬拉糕夠軟綿綿，味道比較偏甜。乳鴿外層脆卜卜，內裏的肉嫩，聞落非常香噴噴。個粥好軟綿綿，所有鮮味流晒落去，好甜，餐廳同事建議加一啲芫荽，再帶出鮮。