tic tac toast (已結業)

喺旺角偶爾經過，見裝修幾靚就行左入🙈～•睇完menu覺得幾吸引，最重要一點係menu嘅用字，用左香港人叫開嘅「多士」而唔係「吐司」，淨係呢一點就已經好加分💛💛💛•雖然都係韓式多士，但明顯同韓國好出名嗰間行唔一樣嘅路線，唔係火腿煙肉嗰啲加工嘢，配料全部都係原型食物，即係成舊肉咁夾入去，雖然呢啲野都唔會去追求健康，但講真加工嘢高脂高納都係少食啲好。•選擇方面有9款多士可以揀，而且都好多元化下，有豬牛雞，仲有蟹肉、鰻魚，其中仲有2款素食嘅選擇(有芝士，唔係全素)，都諗左幾耐先揀到食乜🤪🤪•因為買完諗住撘車返屋企食，所以就買左個凍食都相對安全嘅蟹肉牛油果醬多士🤩包裝幾有質感之外，一打開啲蟹籽多到爆曬出嚟，但有紙包住所以唔會跌到周圍都係👍🏿。諗住外賣返屋企會甩頭甩骨，估唔到都仲keep到咁靚仔哈哈•味到方面亦有驚喜，個包返到屋企已經凍左，但依然外脆內軟，牛油味亦都好香但唔會太油，生菜番茄爽脆，牛油果醬同蟹籽令到成個多士口感更豐富，重點係蟹肉真係好好食😭😭，好鮮甜之餘份量亦好多，無諗過一舊先48蚊竟然可以食到啖啖都有蟹肉，下次有機會一定會再食！我見其他食評會嫌呢間嘢小貴，然而呢間啲餡料明顯係行有質