想點就點 (已結業)

一心答完叮叮去到熟食中心，點知不吸引，接著有人行錯路，攪到我又攰又眼訓。最後行冤枉路去翻落車呢家點心店今晚試下。蝦餃18兩粒大小適中，肥肉不多。燒賣18兩粒個樣幾好，仲幾大粒。牛肉球22喼汁沾腐皮不俗，但比一般的粉紅，大大大粒，好飽肚。菜苗餃24蝦粒幾大，清新。鳳冠餃24顏色靚，健康有菜。奶茶18x2好大杯，茶味勁。食後感：收茶位又有加一的點心店，不過店員幾勤快，食物不錯，坐得可以，但冷氣相當凍。