影片
更多
2016-09-09
3780 瀏覽
我真係食到好飽喇，真心飽到食唔落呀！道道菜都超水準表現，雖然等左四十五分鐘有點不耐煩！生意好到做唔切，旺到連芽菜都賣晒，真的嗎？去完船河成六點半先落船，等的士等到七點幾先上到車，睏死想返屋企！但朋友仔想一齊食飯，性情難卻，好啦好啦，我都想食海鮮宴，一半海鮮一半肉都好。全日出海剛回來，睏死我喇，食飽飽就回家休息！粟米魚肚羮，保持水準夠濃郁又夠厚，足料無欺場，唔會水汪汪，香甜粟米雞湯可口，魚肚爽爽不腥不硬，正呀。兩大碗羮 HKD60 蚊有找，堅抵食，平靚正，一定飽，我食一碗都夠晒。 豉汁蒸鯧魚，白雪雪滑嘟嘟既魚肉，海魚既魚味特濃，鯧魚魚皮及魚頭膠質特別豐富，黏黏滑滑，大愛 ﹗魚肉浸滿香口豉汁堅要食津津有味，連魚骨都損得乾乾淨淨反晒光呀 ﹗始終有點心理關口，覺得鯧魚太過平民又太過普通，出街食飯不多願食呢 ﹗本來想食豉汁蒸排骨，見小強大大力推銷游水鯧魚非常生猛紮紮跳，而且 HKD100 蚊條加送個淨豬紅添，我信你！四男女食五個菜，碟碟美味可口無投訴，辛苦晒！淨豬紅，湯汁味道香濃，已浸透每粒豬紅，一咬爆破，充滿滷水氛芳。煮既時間剛好，夠滑溜不乾鞋，好味。滷水鵝片，師傅好刀功好手藝，鵝片紋條有序，
去完船河成六點半先落船，等的士等到七點幾先上到車，睏死想返屋企！但朋友仔想一齊食飯，性情難卻，好啦好啦，我都想食海鮮宴，一半海鮮一半肉都好。全日出海剛回來，睏死我喇，食飽飽就回家休息！
粟米魚肚羮，保持水準夠濃郁又夠厚，足料無欺場，唔會水汪汪，香甜粟米雞湯可口，魚肚爽爽不腥不硬，正呀。兩大碗羮 HKD60 蚊有找，堅抵食，平靚正，一定飽，我食一碗都夠晒。
豉汁蒸鯧魚，白雪雪滑嘟嘟既魚肉，海魚既魚味特濃，鯧魚魚皮及魚頭膠質特別豐富，黏黏滑滑，大愛 ﹗魚肉浸滿香口豉汁堅要食津津有味，連魚骨都損得乾乾淨淨反晒光呀 ﹗始終有點心理關口，覺得鯧魚太過平民又太過普通，出街食飯不多願食呢 ﹗
本來想食豉汁蒸排骨，見小強大大力推銷游水鯧魚非常生猛紮紮跳，而且 HKD100 蚊條加送個淨豬紅添，我信你！四男女食五個菜，碟碟美味可口無投訴，辛苦晒！
淨豬紅，湯汁味道香濃，已浸透每粒豬紅，一咬爆破，充滿滷水氛芳。煮既時間剛好，夠滑溜不乾鞋，好味。
滷水鵝片，師傅好刀功好手藝，鵝片紋條有序，順著片開，滑溜水潤，立立令肉汁欲滴。厚薄適中，皮肉比例均秤，黏中帶滑又富彈性，每一口都散發著滷水幽香，清甜不濁。沾上甜醋，開胃醒腦；沾上辣油，刺激提神 ﹗好味道。衰小強我都話要芽菜底咯，我要食芽菜呀，唔食花生豆腐啊！雖然送個咸菜比我，但有什麼用呢，都要講聲多謝既。
潮菜咸菜，一向都不多吃，只會作前菜濕濕口。
白灼東風螺，壯陽大補螺？傳聞黎架啫，無醫學跟據。我最愛貝殼類，東風螺必入三甲。水滾灼一灼，待大滾就食得喇，簡單美味快靚正 ﹗熱到辣手出晒煙，用牙簽溫柔一挑，螺肉連頭帶尾完整地旋出，閃令令掛著螺汁，等咩呀？即刻掉入口中，原汁原味 ﹗螺鮮味澎湃突出，直衝鼻孔再上腦袋，螺頭爽脆、螺身嚥韌滑彈、螺尾軟棉甘香，大愛。捲上甜辣醬更別有一翻風味，食到打冷震啊 ﹗
蒜蓉開邊虎蝦，巨形虎蝦蒸得剛好無過火，蝦肉爽彈結實，鮮味濃厚飄香，每一啖都可口非常，帶著蒜蓉半辛帶甜既味道，好鬼正。豐富蝦膏塞得蝦頭滿滿，甘香無比啊 ﹗一年都未必會叫開邊虎蝦，就算中蝦都少啦，雖然好食到無言，但太貴了，食完個心赤赤痛 ﹗菠蘿生炒骨，穩陣之選，啖啖肉又不會炸到乾爭爭，咕嚕汁夠酸夠濃帶果味，醒神宜人。
瑤柱肉鬆蒸水蛋，撈飯名物！傳統蒸餸特別有味道、有意境。少許家的味道、少許家的感覺。實在調得太好喇，各食材味道互相牽引，濃郁細緻、香甜可口，真心好味道，無得頂！無得彈 ﹗仲熱到燙咀，最美味既溫度！牡丹雖好，都要綠葉扶持，撈個白飯更加好食！蒸蛋滑不留口，彈彈地搖晃著，汁液不停流出，夾著嚥韌瑤柱及甜美肉鬆，感覺太震憾，不懂形容，食左先講 ﹗
清蒸筍殼，游水海魚那有不好吃之理呢？魚味濃濃，鮮味霸道，雪白滑滑魚肉沾上蔥油蒸魚豉油，除左好食外，無其他野好講。魚頭、魚鰭、魚尾無一幸免，全部啜得乾乾淨淨，半膠帶黏又帶滑，正啊 ﹗
魚香茄子，肯定連鹿鳴居自己都唔知茄子會招牌菜啦，哈哈 ﹗幫襯多年，茄子如何烹調都好味極致無得輸 ﹗軟乾棉棉、滑滑溜溜、不苦不澀、不油不膩，熱騰騰茄肉索盡香辣醬汁，咸魚肉鬆味道濃濃，香口惹味，重口味但好好食。鹿鳴居煮茄子係有一手，軟棉滑溜又入晒味，撈白飯又好、撈炒飯都好，同樣超正！茄子牛仔骨、茄子魚腩、茄子雞球、蒜蓉蒸茄子都非常出色！
果皮蒸泥鯭，游水泥鯭肉質結實，肉多骨少啖啖肉，開心到不得了 ﹗魚肉在果皮豉油打滾後，在舌頭上翻騰，散發果皮清香，將腥味、泥味原全驅走。
揚州炒飯，師傅有料到，鑊氣迫人，未開盒已聞到香噴噴喇，不能掩飾的蛋香、叉燒香，即時唾液欲滴 ﹗飯粒乾爽飽滿，叉燒香甜又乾棉、蝦仔爽爽微鮮，心滿意足。最後將瑤柱蒸水蛋、魚香茄子、揚州炒飯融為一體，味道提升到極致，複雜豐富多變的味道及質感，好食到停唔到口又停唔到手，就算飽都要食，想肥死我咩！揚州炒飯無生菜絲更加有鑊氣、更加香噴噴！有無搞錯呀？難晒譜架！樣樣都咁好食，莫非知道係我叫外賣食既？哈哈！
茄子牛仔骨，招牌茄子真係超級百搭啊，配什麼都非常好食。魚香、魚腩、排骨、雞球，就連牛仔骨都一樣天下無敵 ﹗乾棉茄子吸引牛肉味道跟醬汁實在太美味喇，牛仔骨味濃有趙口，不硬不韌，好滿意。
淨鵝翼，其實真係無咩肉食，不過鵝皮質地爽爽的，好有趣 ﹗鵝肉一絲絲結實又嫩滑，滷水味可口，浸上大量甜醋夠晒醒神。小強你聽錯單喇，我係要鵝併翼，唔係淨鵝翼呀！錯有錯著，唔係就會食剩好多野。
椒鹽骨，我真係一心諗住係一字排骨架，點知係椒鹽豬扒，失望！乾、鞋、硬，講完。
咸魚雞粒炒飯，食得揚州炒飯多都想轉轉口味，撈小菜同吃一樣百搭無得彈 ﹗咸香撲面而來，鑊氣滿載，嚥韌飽滿飯粒抱著雞丁咸魚肉滾到舌頭上，蔥香飯香肉香混得可口，香噴噴啊 ﹗瑤柱肉碎蒸水蛋撈咸魚雞粒炒飯食，一濕一乾無得頂呀！堅係飽到嘔，食到完全食唔落先肯停口，太好味！
椒鹽中蝦，指定要炸得透徹，仲要去頭、去腦、去角，就可以成隻啪，殼都唔洗剝夠晒乾淨利落。炸得金黃香口卜卜脆，兜個辣椒蒜蓉椒鹽調味，香辣惹味，不過咸、不嗆喉。原隻蝦捲入口中，爆開 ﹗蝦殼鬆化，包著爽彈鮮甜蝦肉，蝦汁四射，游水蝦無野好講，羸晒 ﹗
牛柳絲炒韮菜花，上網發現原來韮菜花十分有益，仲係養生良藥，真係要食多點先得。爽爽甜甜充滿菜汁韮菜花，綑著香口牛柳絲一齊食好鬼正，菜甜味加上牛肉香，而且牛柳絲不韌而有趙口，好味道。早幾年韮菜、韮菜花都完全入唔到口，一食即反胃想嘔，不知何解突然越食越愛，我係咪患上有絕症呀？所以口味大變？不過韮黃紿終唔喜歡。
鮮魷炒韮菜花，上網發現原來韮菜花十分有益，仲係養生良藥，真係要食多點先得。爽爽甜甜充滿菜汁韮菜花，綑著鮮味魷魚一齊食好鬼正，菜甜味加上海鮮既味道，而且鮮魷不韌不硬而彈牙口，好味道。
辣酒煮花螺，少少辣加微弱酒味，油膩了一點，湯汁還算滿意，花螺鮮甜爽脆又嚥嚥韌韌，並不是炆到極軟腍那一款呢。多數都會食白灼的，夠原汁原味夠原始鮮甜麻，不過間中刺激下都好，我一向都無辣不歡啦。
咸蛋蒸肉餅，印象中第一次叫咸蛋蒸肉餅，都知道蒸肉餅雖時特別耐。眼見非常足料喎，唔會肥騰騰油淋淋，唔會淨係得肥膏。半肥瘦口感結實彈彈，豬肉味濃郁香甜不腥，肉汁滿瀉。雖然又係即食咸蛋黃，幸好咸香還夠，只不過黃油欠奉，差少少囉。整體撈上白飯都好好味，飯香肉香，越食越起勁！
潮式大眼雞，試過其他潮州冷放到條大眼雞乾爭爭，魚肉又硬又鞋又腥，好大陰影，好驚呢 ﹗膽粗粗睇睇鹿鳴居又如何先。開呀，肉汁閃令令喎，多麼使人放心的畫面。即刻夾舊背脊肉先，大大舊魚肉見到都非常興奮，非常 juicy 啊 ﹗微滑微嫩，十分有咬口，淋上少少豉油點綴一下，魚鮮帶豉油香，good。搶埋雙大眼食先，由細到大都最愛食魚眼，膠膠滑滑好味道。
麻婆豆腐，估您唔到會用我最喜歡的滑豆腐，夾著肉鬆豆瓣醬辣汁撈飯，非常美味啊！香香辣辣特別開胃，撈飯停唔到口，嫩滑中帶寞豬肉彈牙，再辣一點就更加好味。
椒絲腐乳通菜炒牛肉，不是大大碌的翠綠水通，點都差少少。爽口通菜帶著咸咸腐乳味，捲埋濃味乸牛肉都幾好，合格。
芥菜膽扒三鮮，我最有冒險精神架喇，又試新野。不過又幾得意，幾好食架喎。菜膽非常甜美多汁帶少許回甘味道，夾著鮮魷、鮮蝦、肉片更加好食，脆彈滑棉嚥融為一體，肉甜加上海鮮鮮味，好食好食。又話三鮮既？鮮魷、鮮蝦，莫非小鮮肉？
墨魚併鵝腸，嘩！今晚墨魚超水準呀，彈牙脆口，鮮甜味香濃！鵝腸腍劈劈，唔難食。
蒜蓉開邊蝦，蝦肉爽彈結實，鮮味濃厚飄香，每一啖都可口非常，帶著蒜蓉半辛帶甜既味道，好鬼正。豐富蝦膏塞得蝦頭滿滿，甘香無比啊 ﹗
咕嚕雞球，好硬好乾又好韌呢，炸到乾爭爭，鬼佬食可能適合既。咕嚕汁夠酸夠濃帶果味，醒神宜人，滿意。
粟米魚肚羮
24 瀏覽
1 讚好
0 留言
淨豬紅
33 瀏覽
0 讚好
0 留言
瑤柱肉鬆蒸水蛋
35 瀏覽
0 讚好
0 留言
瑤柱肉鬆蒸水蛋
34 瀏覽
0 讚好
0 留言
清蒸筍殼
20 瀏覽
0 讚好
0 留言
清蒸筍殼
30 瀏覽
0 讚好
0 留言
豉汁蒸鯧魚
23 瀏覽
0 讚好
0 留言
魚香茄子
17 瀏覽
0 讚好
0 留言
魚香茄子
13 瀏覽
0 讚好
0 留言
果皮蒸泥鯭
19 瀏覽
0 讚好
0 留言
果皮蒸泥鯭
13 瀏覽
0 讚好
0 留言
白灼東風螺
12 瀏覽
0 讚好
0 留言
白灼東風螺
11 瀏覽
0 讚好
0 留言
辣酒煮花螺
20 瀏覽
0 讚好
0 留言
揚州炒飯
17 瀏覽
0 讚好
0 留言
揚州炒飯
8 瀏覽
0 讚好
0 留言
咸魚雞粒炒飯
8 瀏覽
0 讚好
0 留言
茄子牛仔骨
17 瀏覽
0 讚好
0 留言
淨鵝翼
24 瀏覽
0 讚好
0 留言
椒鹽骨
28 瀏覽
0 讚好
0 留言
滷水鵝片
23 瀏覽
0 讚好
0 留言
滷水鵝片
17 瀏覽
0 讚好
0 留言
椒鹽中蝦
13 瀏覽
0 讚好
0 留言
牛柳絲炒韮菜花
21 瀏覽
0 讚好
0 留言
鮮魷炒韮菜花
17 瀏覽
0 讚好
0 留言
咸蛋蒸肉餅
17 瀏覽
0 讚好
0 留言
潮菜咸菜
22 瀏覽
0 讚好
0 留言
潮式大眼雞
27 瀏覽
0 讚好
0 留言
麻婆豆腐
32 瀏覽
0 讚好
0 留言
椒絲腐乳通菜炒牛肉
20 瀏覽
0 讚好
0 留言
芥菜膽扒三鮮
53 瀏覽
0 讚好
0 留言
墨魚併鵝腸
43 瀏覽
0 讚好
0 留言
蒜蓉開邊蝦
37 瀏覽
0 讚好
0 留言
咕嚕雞球
38 瀏覽
0 讚好
0 留言
張貼
