串燒殿 (已結業)

同朋友兩個本身諗住買串燒番屋企食，但見到舖頭啱啱有位，又好多外賣單，不如坐底chill下啦。好，坐低睇吓有咩好食先。醬燒魷魚鬚串，個醬燒汁好惹味，燒完個魷魚鬚都唔會dry惹味蒜蓉燒茄子，原條大大隻茄子，海量蒜蓉燒完勁香，心知食完個口都會好香，但都忍唔住要食！燒雞軟骨、燒雞皮，雞軟骨食落咯咯聲，雞皮燒完之後迫左啲油分出嚟，好香脆。麻辣小龍蝦，麻辣到十足，小龍蝦索晒汁，加埋上面芫荽撈一撈，又麻又香。椒鹽魷魚鬚，頭先一抽魷魚鬚未夠喉，而家試個炸嘅，炸到金黃色脆卜卜，魷魚又夠粗又厚肉，good呀！