串燒殿 (已結業)

以前一到秋天就會成日去BBQ，不過而家已經好少去燒烤lu，反而鍾意咗食串燒，呢日放工又同朋友一齊去啦~餐廳環境佈置好靚好有心思，我地坐得好舒服~選擇都唔少，價錢亦相宜，最重要係即叫即燒，所有食物上枱仲係熱辣辣。我地點到成枱野食，自己最鍾意係燒五花腩串，五花腩肥而不膩，食落肉汁豐腴，唔會燒到又乾又嚡口。朋友就鍾意椒鹽魷魚鬚，上枱既時候香氣撲鼻，而且咬落都幾爽口。燒韭菜係另一款唔錯既食物，又香又惹味。再飲埋啤酒同汽水，爽呀！