成都小巷米線雞煲 (和富道) (已結業)

今日lunch食得少，收工已經好肚餓，又夜，想食啲任食既熱嘢。北角街頭陪朋友一路行一路傾，原來呢條街都幾多餐廳架喎，搵到間光猛舒適，又可以坐得耐，一於入去試試。百零蚊，一隻雞/一條魚，抵食啦。蔬菜配料仲任食，正🤗🐣今日想試雞煲，未上枱，離遠已經聞到香濃撲鼻既香料味。雞煲醬汁惹味，上枱仲吱吱渣渣，熱辣辣的，今次試個小辣。雞件量多，嫩滑入味，2個人食1隻雞已經飽左1半。🥬🥒🌽出去攞啲蔬菜返嚟打邊爐先，樣樣蔬菜都新鮮翠綠，仲有丸類、肉類、菇類、公仔麵...包羅萬有🥳🧃🥤最重要係連罐裝飲品都任飲，包括啤酒，啱晒男士🍻整體評語🌻cp高，午餐都好抵食，有機會試試。