影片
更多
2020-02-12
16 瀏覽
話說之前我喺屯門食泰國嘢嘅話，好多時都會去小曼谷。不過由於最近經常都會去打拳，拳館隔籬就係雅都商場，所以好多時都會同朋友打完拳之後上嚟搵食。食得最多嘅餐廳都可以話係呢間象泰，質素都幾滿意。所以今次就帶埋媽媽嚟試下佢嘅泰菜晚餐。首先睇睇環境。都幾企理，而且有卡位，座位之間都鬆動嘅，坐得幾舒服。餐牌普遍都有做折扣。加上佢星期一至五有個特惠二人餐，又都幾抵嘅喎。例牌海南雞配油飯呢個可以話係性價比之選。海南雞全部都係去骨嘅，食落非常淋身，雞皮都好爽。再配上海南雞辣汁。可以話係越食越開胃。泰式炒通菜。每次食泰國菜必點嘅，今次貼通菜都炒得幾靚仔，而且辣辣地噉樣，送飯一流。冬陰功湯麵。由於好想飲冬陰功湯，但我又冇主食，噉不如就叫個冬陰功湯粉，上菜時見到碗麵真係好大碗，冬陰功湯非常入味，亦會見到落咗好多蝦頭，少少辣好過癮。另外海鮮非常多，兩隻大大嘅青口係重點，同時亦有魷魚蟹柳大蝦等等，值得推介。小食拼盤。雖然我哋只係叫咗一個細嘅小食拼盤，但份量都可以話唔講得笑。咁多人入邊我最鍾意係蝦餅，因為大大件好鬆脆，鮮蝦味十足。其次就係串燒，兩條串燒有豬有雞，份量好大串，而且落咗沙爹醬非常惹味。青檸梳打。基本上成
話說之前我喺屯門食泰國嘢嘅話，好多時都會去小曼谷。不過由於最近經常都會去打拳，拳館隔籬就係雅都商場，所以好多時都會同朋友打完拳之後上嚟搵食。食得最多嘅餐廳都可以話係呢間象泰，質素都幾滿意。所以今次就帶埋媽媽嚟試下佢嘅泰菜晚餐。
首先睇睇環境。都幾企理，而且有卡位，座位之間都鬆動嘅，坐得幾舒服。
餐牌普遍都有做折扣。加上佢星期一至五有個特惠二人餐，又都幾抵嘅喎。
例牌海南雞配油飯
呢個可以話係性價比之選。海南雞全部都係去骨嘅，食落非常淋身，雞皮都好爽。再配上海南雞辣汁。可以話係越食越開胃。
泰式炒通菜。
每次食泰國菜必點嘅，今次貼通菜都炒得幾靚仔，而且辣辣地噉樣，送飯一流。
冬陰功湯麵。
由於好想飲冬陰功湯，但我又冇主食，噉不如就叫個冬陰功湯粉，上菜時見到碗麵真係好大碗，冬陰功湯非常入味，亦會見到落咗好多蝦頭，少少辣好過癮。另外海鮮非常多，兩隻大大嘅青口係重點，同時亦有魷魚蟹柳大蝦等等，值得推介。
小食拼盤。
雖然我哋只係叫咗一個細嘅小食拼盤，但份量都可以話唔講得笑。咁多人入邊我最鍾意係蝦餅，因為大大件好鬆脆，鮮蝦味十足。其次就係串燒，兩條串燒有豬有雞，份量好大串，而且落咗沙爹醬非常惹味。
青檸梳打。
基本上成支梳打水俾你嘅，分量十足，同時亦都酸酸地幾好味。
椰青。
椰青亦都好大個，飲落好鮮甜。非常推薦。
張貼
