回到味來 (已結業)

聽人講依間回到未來好抵食, 有串燒雞煲卜卜蜆任食, 今晚好想食卜卜蜆於是就黎開餐食哂佢d蜆8點幾到達門口勁多人等, 等左半鐘左右先入到去, 坐低同店員講要卜卜蜆鍋就可以出去拎野飲。除左雪櫃自助既汽水茶之外, 仲有水吧做台式飲品, 另外仲有好多款串燒包括海鮮串燒任食添!出去拎完野飲之後, 主角卜卜蜆就到啦!! 蜆黎到既時候已經開哂口, 再滾一滾就食得, 一鍋蜆份量其實都唔少, 但係專誠黎食佢, 梗係ENCORE再ENCORE啦, 食到夠喉為止蜆雖然唔算好肥美但係就好新鮮, 蜆肉唔會話甩哂出泥, 而且佢既醬汁辣辣地好惹味, 起碼食3 ROUND先對得住自己食完就到打邊爐時間, 同店員講話想轉火鍋就OK, 我地揀左芫茜湯底, 每位都會送一客安格斯牛, 唔錯然後就可以出去自助區拎野食, 菜類丸類肉類都齊, 最最最開心係有原包辛辣麵, 正呀~ 當然都係任食啦! 依個價錢泥講可以任食雞煲OR卜卜蜆都算抵, 而且以我食左3 ROUND泥講, 3 ROUND既質素同份量都無站好參差咁~可以一試呀!