阿來東南亞風味 (已結業)

餐廳主打東南亞菜式, 菜式種類多, 價錢親民好抵食! 《咖喱軟殼蟹火山包》滿瀉嘅咖喱汁加上烤至香脆嘅麵包, 確實好惹味! 軟殼蟹炸得好香酥, 麵包口感外脆內鬆軟, 份量好大, 麵包內外都有大量咖喱醬汁, 咖哩味好香濃, 用來沾麵包食, 好正😋! 《海南雞金邊粉》鋪滿炸蒜粒同蔥粒, 每件雞件已被去骨, 皮薄少脂肪, 雞胸肉都算嫩滑。《豬頸肉炒椰菜苗》上面有炸蒜, 椰菜苗炒得好有鑊氣, 翠綠爽甜, 啖啖都有蒜香味, 豬頸肉肉質嫩, 帶少少鹹香。