新南苑雞煲小菜點心 (已結業)

肥妹仔知道肥爸鍾意食小菜，所以今晚就約咗肥爸響黃大仙呢一間中菜館度食晚餐。薑蔥生蠔 $168每一隻蠔都好大隻，應該係美國桶蠔，食落去好肥美！蠔嘅鮮味亦都好濃，薑蔥味好惹味，攞黎送飯一流！黃鱔煲仔飯 $98咁熱嘅天氣唔係唔食煲仔飯呀嘛？飯粒每一粒都沾滿醬油，但又唔會好咸，味道啱啱好！黃鱔嘅份量亦都唔少，雖然唔係好大條，但係食得岀黃鱔好新鮮，肉質彈牙，超級好食。魚香茄子煲 $68肥爸同肥妹仔都係重口味人士，所以叫過魚香茄子煲食下！好香鹹魚肉粒嗰個味，茄子好新鮮，走咗油之後一啲草青味都冇。如果有白飯嘅話真係可以送好多碗。