陳家菜 @Freshlane (樂基商業中心) (已結業)

經外賣平台落單叫左間位於上環既中式小菜，除左飯麵，仲有唔少川味涼拌菜同麻辣小食，冬天食少少辣野，個人都暖啲。外賣自取既地方係樂基商業中心旁邊，轉個彎，從側門樓梯進入，上一層就到。秘製雞煲可以揀不同既辣度，今次叫左唔辣，更能突出醬汁既味道。雞煲用左半隻雞，有不同部位，雞肉幾滑而且幾入味，係非常適合配飯既小菜。涼拌青瓜青瓜好爽口，帶少少辣，幾唔錯。涼拌皮蛋辣得嚟好惹味，好鐘意個口感，呢個小菜值得一試。