頂好香 (已結業)

呢間外賣店真係百食不厭，隔中會有啲新餸，而且佢由開店到依家都冇加過價。今日叫左竹輪，滷肉同素雞撈烏冬。好鍾意佢個烏冬同辣汁，烏冬吸晒滷水汁，而且份量好多。辣汁唔洗開聲店員已經會另外用個樽仔裝住，鍾意幾辣就落幾多。竹輪有咬口，滷肉就正常，素雞則比較淡，但每樣餸份量都好多。連埋酸菜個啲，真係會食得飽飽。食過咁多次，都係比較推介素腰花(難得地份量比較少) ，甜不辣，豆腐類等。同咪提議各位食之前撈下佢，最入味既麵係底啊。