巴辣仔烤魚雞煲 (加連威老道) (已結業)

真係好耐冇食過烤魚啦, 朋友推左幾次話巴辣仔烤魚好食, 對烤魚店冇乜頭緒既我就唔洗諗啦~ 餐廳有兩層, 座位之間相隔有一定距離, 坐得幾舒適。 上層設有一個小小既自助區, 有醬汁同水果提供。魚既種類有兩款, 分別係深海大斑同埋江團魚, 兩者都係原條上, 真材實料。ORDER烤魚已經包埋4款配菜, 仲可以任揀, 如果想要多幾款, 就自己單點再ORDER啦~ 不過兩個人食條魚再加4款配菜, 我就覺得已經好足夠, 因為佢條魚勁大條呀!原條烤魚深海大斑 (香辣味) $388超大條深海大斑, 開邊放入爐, 再加入芫荽, 辣椒, 薑, 真係點煮都香!! 好快滾起就食得, 魚肉有質感唔會鬆鬆散散, 超厚肉肥美! 香辣湯底又香又惹味, 4款配料索哂D湯, 由其係豆卜, 濃味又好食~ 忍唔住要叫個白飯黎撈下!! 中意重口味既朋友應該都會中意依度既烤魚!大大杯鹹檸雪碧 $35係我係餐廳飲過最最最大杯既飲品, 飲極都有, 下次食辣D都唔洗怕!