影片
更多
2015-08-12
909 瀏覽
忽然間想去遠點既地方搵食，Search Openrice 搵到 lee 個地方方便泊車，就膽粗粗星期日夜晚七點揸車出去搵食，諗住附近咁多咪標位又三個停車場唔會無位泊既，點知好既唔靈醜既靈，真係 full 曬。咁唯有兵分兩路，一邊去等車位，一邊去等飯位啦。好在都唔洗半個鐘就兩邊都排到，唔係一場來到都幾無癮。入正題：娘惹其實就係印尼 fusion 中菜，但個人感覺其實都係東西亞特色多點。由於大家都唔點食得辣，主要都點左唔辣唔菜式。椰汁雞幾香幾入味，可惜雞就少D。個汁送飯幾好。唔知乜乜沙律，精華就係個醬：唔係沙爹唔係咖哩，但係同香料十足，少少辣得來又夠惹味！唔單止點菜，點串燒一樣好食。推薦！炒飯，合乎期待。炒得唔油，幾乾身，唔過咸。串燒無乜特別，反正係點左沙律個醬之後好食左。本身個汁似係豉油醬之類。假日限定黃薑飯，乜配料都有，啱曬乜都心思思想試D既人。個飯本身好香，配料中最鐘意個牛肉。首先炆得好腍好入味，而且香料既配搭有自己既特色，同泰國/越南/印尼都好少少唔同，可惜就得得個一舊，下次再食要叫翻一碟先得！唔記得乜湯，個味幾特別。咸咸酸酸咁，個人無話特別鐘意。整體來講，食物質素幾好，環境都舒服
Search Openrice 搵到 lee 個地方方便泊車，
就膽粗粗星期日夜晚七點揸車出去搵食，
諗住附近咁多咪標位又三個停車場唔會無位泊既，
點知好既唔靈醜既靈，真係 full 曬。
咁唯有兵分兩路，一邊去等車位，
一邊去等飯位啦。
好在都唔洗半個鐘就兩邊都排
到，
唔係一場來到都幾無癮。
入正題：娘惹其實就係印尼 fusion 中菜，
但個人感覺其實都係東西亞特色多點。
由於大家都唔點食得辣，主要都點左唔辣唔菜式。
椰汁雞幾香幾入味，可惜雞就少D。個汁送飯幾好。
唔知乜乜沙律，精華就係個醬：唔係沙爹唔係咖哩，但係同香料十足，
少少辣得來又夠惹味！
唔單止點菜，點串燒一樣好食。推薦！
炒飯，合乎期待。炒得唔油，幾乾身，唔過咸。
串燒無乜特別，反正係點左沙律個醬之後好食左。本身個汁似係豉油醬之類。
假日限定黃薑飯，乜配料都有，啱曬乜都心思思想試D既人。
個飯本身好香，配料中最鐘意個牛肉。
首先炆得好腍好入味，
而且香料既配搭有自己既特色，
同泰國/越南/印尼都好少少唔同，
可惜就得得個一舊，
下次再食要叫翻一碟先得！
唔記得乜湯，個味幾特別。咸咸酸酸咁，個人無話特別鐘意。
整體來講，
食物質素幾好，環境都舒服既。
價錢合理，服務都叫周到。
不過如果要揸車來留意翻車位就啦。
張貼
