蛇王芬

營業中

休息中

係中環附近想食啲熱辣辣嘅野，就揀咗蛇王芬～聽朋友講佢哋嘅湯同小炒幾正，又有香港特色👍🏻黎到見到有深度遊係門口介紹間鋪😯 然後入到黎又見到有啲遊客同外國人係到，睇黎大家都係慕名而來😋無花果燉豬肺🥣湯色靚，甜甜地，好滋潤。豬肺處理得好乾淨👍🏻豬肺煲到好軟，好易食。啱晒啲想清肺或者喉嚨唔舒服嘅人。飲落去，甜味後有少少中藥香，暖笠笠嘅🤤臘腸蛋白炒飯🍳🍚簡單得嚟味道豐富。臘腸香，蛋白滑，飯粒鬆散。食落口感正，臘腸嘅鹹味同蛋白嘅嫩滑混合得岩岩好🍛茄汁煎蝦碌🍅🍤外面煎得啱啱好，蝦仲保持住鮮甜。茄汁酸酸甜甜，好開胃。蝦肉彈牙，食落有嚼勁，呢個做法都幾特別😋