銓仔記海鮮晚飯小菜

營業中

休息中

自疫情以來，幾年冇去過大埔街市熟食中心食嘢難得路經大埔，我同朋友即刻上去睇吓上到去，發現原來有銓仔記，二話不說即刻坐低首先食個煎藕餅，非常香脆好有咬口，脆卜卜嘅聲音響個嘴裏面，爽呀！跟住嚟一個馬拉盞通菜，大大碟肉碎好夠份量，又唔會太鹹，通菜又唔會炒得過淋，正有一個有趣嘅發現，就係差不多每一台都會點芝士大蝦伊麵，所以我當然唔執輸，$128真係抵食，蝦新鮮，芝士汁好濃，配合伊麵煙煙韌韌，口感豐富，唔怪之得枱枱都叫啦兩個人食三樣嘢，埋單都唔使三舊，捧住個肚走，開心呀😊