影片
更多
2020-05-23
73 瀏覽
今晚約左去朋友屋企攞野，到左晚飯時間，朋友話天氣咁熱，想嘆下冷氣食下辣野，於是落左附近間川菜館（十二味）開餐，岩晒我鍾意食辣嘅朋友啦。黎到差不多7:00，已經全場爆滿，因為我地冇預先卜位、所以都等左半粒鐘左右，餐廳地方好濶落乾淨，坐二人枱都坐得好舒適。餐廳用QR code落單，睇睇餐牌都好多選擇，朋友鍾意食又辣同濃味野，所以比佢發板。🥢川式口水雞 - 份量都好多，個汁唔算好辣，但麻香味十足，雞好嫩滑。🥢蔥油麵 - 係粗麵黎，好有口感，麵爽而不膩，個汁略帶小小甜，好好食， 以$38呢個價錢，嘩😋呢個真心推介。🥢自選經典香辣鍋，聽朋友講，係用左成12種唔同香料加上幾款辣椒炒成個鍋底，黎得呢度差唔都必食。選左鍋底後，再係廿幾種配料中選5款以上加入鍋底。我地選左，金菇、萵荀、牛舌、肥腸、寬粉；個鍋黎到好吸晴，面層鋪滿剛點選嘅配料，撈一撈勻後，所有材料都沾醬汁，亦見倒不同形狀大小嘅辣椒🌶️跑晒出黎啦🤣。金菇最吸味，一速速沾滿晒醬料，入口又爽又辣，食得好過引；萵筍雖然薄切，但仍保持爽脆；肥腸都好有驚喜，原來係炸過，口感似炸大腸，好好食；最好食就係寬粉，煙煙韌韌，大大條，入口又滑嘟嘟，索晒啲醬汁，好入
黎到差不多7:00，已經全場爆滿，因為我地冇預先卜位、所以都等左半粒鐘左右，餐廳地方好濶落乾淨，坐二人枱都坐得好舒適。
餐廳用QR code落單，睇睇餐牌都好多選擇，朋友鍾意食又辣同濃味野，所以比佢發板。
🥢川式口水雞 - 份量都好多，個汁唔算好辣，但麻香味十足，雞好嫩滑。
🥢蔥油麵 - 係粗麵黎，好有口感，麵爽而不膩，個汁略帶小小甜，好好食， 以$38呢個價錢，嘩😋呢個真心推介。
🥢自選經典香辣鍋，聽朋友講，係用左成12種唔同香料加上幾款辣椒炒成個鍋底，黎得呢度差唔都必食。選左鍋底後，再係廿幾種配料中選5款以上加入鍋底。我地選左，金菇、萵荀、牛舌、肥腸、寬粉；個鍋黎到好吸晴，面層鋪滿剛點選嘅配料，撈一撈勻後，所有材料都沾醬汁，亦見倒不同形狀大小嘅辣椒🌶️跑晒出黎啦🤣。金菇最吸味，一速速沾滿晒醬料，入口又爽又辣，食得好過引；萵筍雖然薄切，但仍保持爽脆；肥腸都好有驚喜，原來係炸過，口感似炸大腸，好好食；最好食就係寬粉，煙煙韌韌，大大條，入口又滑嘟嘟，索晒啲醬汁，好入味😋。
呢餐的確好滿意😋，食到咁飽每人都係二百蚊倒，價錢相當合理；下次一定要再黎食下水煮牛肉同酸菜魚。
張貼
