官仔記 (已結業)

最近先後幫襯兩次，一次坐外面一次坐裡面。門口雖然無表位，但都有位可以泊車，但最好小心尐睇位啦。店面本身不大，所以繁忙時間好多時要坐外面，不過咁就重有風味啦。招牌菜係“招牌雞煲”，蒞兩次都係要哩個，不過一次一隻雞，一次就半隻。雞煲：點的是小辣，本身好夠味，雞肉雖然唔係特別出色，但份量不少，而且足料；炸響羚：三十幾文有六大碌，只須淥一下就可以，盡吸湯汁，正；本地牛肉：分量OK，夠肉味；墨魚：以刺身形式上，生食夠爽口，做火鍋料都唔錯，又係稍淥一下即可。