美味佳 (已結業)

又係一個星期最期待既一天，萬聚期待既星期五！本身約佐朋友去尖沙咀食飯，友人從來無去過紅磡，提議去紅磡食飯 ，咁我地就搭巴士由尖沙咀去紅磡。去到紅磡周圍行，行行下見到一間串燒店有好多人排隊，就入去試下係味真係咁好味！ 餐廳係要點完餐先可以攞籌號。差唔多等佐40分鐘先可入座，累死人。唯有諗間餐廳應該好好食所以先咁多人。入到去餐廳因為差唔多枱枱都爆，所以係要搭枱，我地枱對面有一對情侶，我同朋友就坐埋一邊。餐廳都幾迫，唔算有太多空間郁動。坐低大概等佐10分鐘，我地叫既串燒就黎喇。整體黎講，串燒做得出色，即叫即燒，串燒上面有好重既五香粉。串燒既份量好夠，一串有好多舊肉。燒蟹柳意外地充滿甜味，一串有成5舊 。燒雞翼同台灣都燒得好香🤤 韭菜燒到剛剛好， 一口放入口入面食個感覺超正！ 炒腸粉好惹味，配上香濃既甜醬食，拍得住出面街邊檔既水準。