金裝燉奶佬餐廳 (嘉湖新北江) (已結業)

一起左身，就行去新北江食飯。不過我想食果間野已經無做生意一段時間啦，見又唔知食乜好。就入左呢度食，呢度雖然係一般既茶餐廳，但感覺上又係好小小既。見到個餐牌，自已既選擇困難症又出現啦。見個脆翠雞飯有點吸引我，就叫左呢個飯食啦。呢個飯當然有翠玉瓜同幾件既炸雞，雖然真係無乜特別可言。但呢個飯又幾得意既。個炸雞既醃味幾惹味，有啲雞係用過辣椒粉醃既，特別惹味。而翠玉瓜就無乜特別，個飯就用左普通既醬油做個汁。雖然係平平無奇，不過用黎撈飯又有一番風味既。呢個脆翠雞飯只係用左平凡既食材，但是日所見。都幾多食客叫左呢個飯食架。食完個飯，飲番杯茶味香濃凍奶茶，真係最好不過既選擇。整體上，都算幾抵食既。最小都令我有點飽肚既感覺，而且呢度既服務都算幾有禮貌。佢地會唔該前唔該後，比茶餐廳來得好一點。有機會既都會再翻兜，或者試下其他產品。