書湘門第 (奧海城一期)

營業中

休息中

中秋節正日早放，約左屋企人去奧海城的書湘門第食lunch。餐廳門口有個打卡位，放咗古式農家擺設，同餐廳名幾貼切。呢間餐廳午市主打食木桶飯。有十多款選揀,有雞、牛肉、菜、豬肉等，大部份都係辣椒炒，但係都可揀走辣，照顧到唔食得辣嘅人。我地叫左兩個木桶飯套餐，分別係孜然牛肉同萵筍炒臘肉，另外加錢要左個餐前涼菜、時蔬同兩杯柚子蜜。餐前涼菜係凉拌木耳，口感爽脆，酸酸辣辣好開胃。孜然牛肉木桶飯 - 牛肉幾滑唔會鞋，好香孜然粉味，夠晒惹味，送飯一流。萵筍炒臘肉木桶飯 - 萵筍香脆爽口，臘肉唔會過鹹，味道剛剛好，兩者搭配起來的味道同口感都唔錯。