蝦麵店 (荃新天地) (已結業)

路過見到呢一間裝修特別既鋪頭，忍唔住入去一試。同朋友仔一人叫左一個餐，斑斕椰香飯配金黃炸雞髀同蝦肉肉片滷麵。斑斕椰香飯配金黃炸雞髀一上枱，忍唔住嘩一聲，隻雞髀大到成半隻碟咁，睇見到流口水🤤。好，廢話少講，即刻咬啖先，皮脆肉嫩，仲好juicy！原本隻雞髀我已經俾滿分，點知食多啖飯，先發現原來果飯先係精粹。果飯充滿椰香味，仲有陣陣既斑斕幽香味，三個字「無得輸」蝦肉肉片滷麵呢個朋友食落覺得好得意，好似食緊碗仔翅加麵底咁，味道唔錯。加啲醋會更加好味，最後成碗食哂，一啲汁都無淨！