新泰東南亞餐廳 (興旺閣)

營業中

休息中

勞動節約左舊同事一齊食lunch，我記得佢鍾意食泰國菜，所以約左佢食新泰東南亞餐廳。我之前食過佢其它兩間分店兩次，兩次都覺得好好食，呢間位於大王東街既分店就第一次食。我地叫左個二人套餐$228、芒果糯米飯同椰青沙冰。越式蝦米紙卷清清地作為頭盤唔錯，但又唔會好淡口無味。馬拉盞炒通菜幾惹味，唔會好鹹，通菜炒得岩岩好，有鑊氣。咖哩當然要配印度烤餅啦。馬沙文牛腩食唔到辣既都可以食到，比較溫和，好易入口，牛腩大大舊又唔韌。印度烤餅配咖哩食就一流啦，屬於軟熟口感既烤餅，好味。芒果糯米飯用上紫色同白色既糯米，淋上椰漿，糯米暖笠笠又煙韌，芒果非常之甜，相當滿足。椰青沙冰份量好多，沙冰打得幼細，椰味又濃，非常透心涼，正。