泰象泰國越南餐廳

營業中

休息中

今日係假期，同家人食午餐。咁啱要去順豐站攞貨，於是就去鴨脷洲大街隔離間泰國嘢食飯。雖然唔知佢開咗幾耐，但幾年前都有同朋友食過，質素幾好嘅。今日三個人叫咗一碗豬頸肉湯金邊粉，一碟泰式炒蝦肉金邊粉同泰式串燒。湯粉清甜，份量幾多，食得好飽。炒粉偏甜同有啲濕身，我唔知正宗係點，但覺得無乜問題，辣椒喺側面自己調配。份量適中，夠一個人食。串燒燒得好香，肉大大嚿好滿足。以我地唔大食嘅人嚟講，叫兩個主食加一個小食都好夠。假日無午餐叫，但價錢都合理，應該係呢個島上面最好食嘅嘢。