泰廳 (已結業)

呢日搵食到元朗大陂頭徑，見呢間泰廳嘅招牌，十分搶眼，泰國菜又係我哋嘅 favorite，就決定入去開餐。餐廳到處掛滿泰式裝飾品，天花掛有蓮花型嘅吊燈，甚具泰國風情。泰式香葉肉碎炒金邊粉 ($69) - 除咗肉碎，金不換，真有，青椒黃椒紅椒，紅蘿蔔，生菜，法豆……等材料，材料豐富，香辣惹味。鹹魚雞粒炒飯 ($65) - 飯入邊有惹味嘅鹹魚粒及雞粒，仲有加雞蛋及洋蔥。鹹度適中，既惹味又炒得夠乾身唔會太油膩。椒鹽鮮魷 ($89) - 大大碟，有好多鮮魷塊，鮮魷塊外層鬆化，仲加有三色椒、炸蒜等配料，十分惹味又抵食。今餐呢幾款食物，都十分香口惹味，盡現泰菜特色。