湄南.河泰式船麵 (已結業)

今日想食泰國野，見到有間泰國菜寫住星期六日有「我要食十碗」船面競食挑戰賽，上榜有$120禮券送，冠軍仲有得全年免費食面。好似好得意，就入左去試下佢啲船面啦！😂入到去地方都幾寬落，坐位都舒適。叫左三小碗船面先睇下個份量。我就叫晒三種唔同味湯底同面款，分別係清湯，船湯同冬蔭功湯，三款面都試晒佢，食晒米粉，河粉同金邊粉。配菜就叫左泰式秘製豬頸肉，泰式牛丸同美國牛肉片，三款同湯底都好襯好夾。三小碗其實係幾啖一小碗，加埋係一碗大面既分量，可以食飽之餘亦可以滿足想試晒所有款式湯底同埋選擇困難症既人😂😂😂冬蔭功湯真係好出色，唔太辣但食到椰汁既味道，怕辣既人都食得，但保留左冬蔭功既惹味！再叫多個正宗泰式海南雞大船面，份量大概係三小碗細船面。海南雞油份足，肥瘦分明，雞肉好滑，點秘製海南雞醬食一流！醬汁仲有淡淡既薑蓉味👍🏻再追加左小食，泰式春卷同泰式炸雞棗。春卷係有小小粉絲係入面，點個酸酸地既秘製醬汁食好正，仲炸到個皮卜卜脆熱辣辣！👍🏻面雞棗即係炸雞肉，出面脆炸裏面係好滑既雞肉👍🏻最後食到唔夠喉仲叫埋泰式串燒，一半牛肉一半雞肉👍🏻點沙嗲汁食無敵👍🏻👍🏻😋