四川辣妹子 (已搬遷) 新店位置

今晚我們去咗深水埗荔枝角道嘅「四川辣妹子」食晚飯！我們叫咗麻辣豬耳嘅豬耳好爽口脆身，麻辣嘅醬汁令到味道更加惹味！涼伴海蜇嘅海蜇好爽滑彈牙！烤魔鬼魚翼都幾大條，肉質好結實彈牙，雖然我們唔係要麻辣湯底，而係揀咗酸菜湯底，酸酸嘅味道相當醒胃，我另外再叫咗紅薯粉，之後加落去湯底入面，吸收晒湯汁嘅味道，麵質相當煙韌彈牙！奇味鷄煲嘅鷄肉肉質好軟滑，份量相當多，秘製嘅醬汁味道好惹味濃郁！特級安格斯肥牛嘅色澤好紅潤，肉質非常嫩滑，肉味亦好香濃！