八一蕃巴蜀烤魚店 (砵蘭街) (已結業)

太子站出黎砵蘭街一帶食肆林立，今日就揀左呢間成日都滿座既烤魚店。✨巴蜀烤魚 - 細邊草鯇魚兩個人食，叫細邊夠喇。雖然係細邊，但份量都唔少。草鯇魚魚肉都幾嫩滑、好實淨，唔會一挾就散，但會有啲細骨。想再少骨啲可以揀魽魚或海鱸魚。湯底味道可以選擇香辣/麻辣/剁椒/泡椒/豆豉/鮮青椒味，我哋就要左泡椒味中辣。以為得平時食到泡椒味既酸同辣，點知仲有豆豉同芝麻香，比想像中惹味！辣味對我黎講都剛好。原有既配料就有腐竹、芹菜條同寬粉皮。少少煙靭嘅寬粉皮索左呢個湯底係好好味🤤後加左其他配料包括羊肉片/水魷同萵荀。尤其喜歡個羊肉片，羊羶味好香🙌🏻兩個人食唔到咁多野，如果唔係都想試下佢啲串燒🙌🏻