烏蠅館 (永榮樓) (裝修中)

烏蠅館嘅烤魚幾好食，食完烤魚再打邊爐，真係好滿足。🔸烤海鱸魚 $298有三款口味，我哋揀咗招牌香辣，可以揀少油，正呀。一大盤香噴噴的烤海鱸魚好快就上枱，魚肉鮮嫩，口感結實爽滑。外層烤得微微焦香，配上辣椒和香料的調味，卻又不會過於辛辣，啱我口味！配料有蘿蔔，金菇，索左個湯好惹味。🔸餃類雙併 $78鮮蝦雲吞、粒粒粟米餃上枱時已七成熟，餃子飽滿，口感紮實。🔸黑豚肉 $88🔸蓮藕片 $35熱騰騰的湯底中浸泡著鮮嫩的黑豚肉和蓮藕片，湯底的味道濃郁香辣，將食材的味道完美提升。🔸四川寬粉 $28索左湯底嘅四川寬粉口感煙韌，食幾條都飽肚🔸檸檬百香果QQ $28有桃膠，寒天同珍珠增加口感，味道清新酸甜。🔸朝日啤酒 $39食烤魚配啤酒真係無得頂！🔸雪蓮子 桂花蜂蜜味 成碗都係雪蓮子，有清肝明目嘅功效，口感軟糯有嚼勁，加入了提子乾和山楂碎的獨特味道同口感，整體味道甜甜的，讓人意猶未盡。