越一越南牛肉粉專門店 (已結業)

今日收咗工同朋友係荃灣買嘢，見到係地鐵站對面開咗間越南牛肉粉，入面好多人幫襯，所以決定食完飯先返屋企，入到去發覺座位好大又寛鬆，而且裝修都好新淨，感覺好舒服！佢地最出名就係牛肉河粉，所以我先叫兩碗嚟試下，我個碗係香茅豬扒湯河，首先佢地河粉，不但滑而且食落有一陣陣香草味，非常特別，應該同佢地既湯底有關，另外香茅豬扒都煎得非常鬆軟，完全保存肉汁，之後上菜係牛油雞翼，首先隻隻雞翼有我半隻手掌咁大，外層表皮炸得甘香鬆脆，再塗上美味既牛油，雞肉非常幼嫰，加上淡淡牛油香味，簡直一流！我地仲叫咗一碗上湯蘿蔔去去油，蘿蔔煮得好淋，入口即化，而且個湯汁好濃郁，一飲就知道煲咗好耐先有既味道，最後我地仲叫埋香茅豬頸油紙卷，紙卷內除咗有豬頸肉，仲有蘿蔔絲，青瓜絲等等，配埋佢地特有醬汁，食落非常惹味，所以推薦大家一定試下咁有特式既牛肉河粉店！