影片
更多
2023-10-12
228 瀏覽
好耐之前食過，今次再去發現裝修左，好企理又靚，有少少懷舊feel! 次次黎都要叫佢個8妹秘制雞煲，2個人就叫左半隻雞。份量都幾多，每個部位都有D，調味好香，叫左微辣，個人覺得岩岩好。入面仲有紫洋蔥，芫茜呢D調味。本身已經熟左，所以上台冇耐就可以食! 雞件全部都好入味，仲好滑。 食得差唔多就可以加湯落去打邊爐，醬料區係出面自助。我地另外叫左雪花肥牛(大)，牛柏葉，鴛鴦滑，即炸響鈴。雪花肥牛份量都幾多，而且重牛味，唔會話好重雪藏味。鴛鴦滑係蝦滑同墨魚滑，好彈牙，好好食。即炸響鈴一定要叫，比平時食到既更加酥脆，好吸湯，勁好食!!!呢到既店員都好好，會keep住留意下我地夠唔夠湯/洗唔洗換碟，貼心服務!
好耐之前食過，今次再去發現裝修左，好企理又靚，有少少懷舊feel!
次次黎都要叫佢個8妹秘制雞煲，2個人就叫左半隻雞。份量都幾多，每個部位都有D，調味好香，叫左微辣，個人覺得岩岩好。入面仲有紫洋蔥，芫茜呢D調味。本身已經熟左，所以上台冇耐就可以食! 雞件全部都好入味，仲好滑。
食得差唔多就可以加湯落去打邊爐，醬料區係出面自助。我地另外叫左雪花肥牛(大)，牛柏葉，鴛鴦滑，即炸響鈴。雪花肥牛份量都幾多，而且重牛味，唔會話好重雪藏味。鴛鴦滑係蝦滑同墨魚滑，好彈牙，好好食。即炸響鈴一定要叫，比平時食到既更加酥脆，好吸湯，勁好食!!!
呢到既店員都好好，會keep住留意下我地夠唔夠湯/洗唔洗換碟，貼心服務!
張貼
