拉麵天王 (已結業)

本來一心去元朗食彩既沾麵，點知撞正休息日。元朗食拉麵嘅選擇並不多，於是機緣巧合之下就黎到元朗呢間拉麵天王。-店鋪位置較偏僻，平時都唔會點行呢條街～係千色廣場後面，並不難去💁🏻‍♀️店內環境舒適，日式裝潢風格，好似置身日本一樣。我兩點幾黎到，店內只有兩三位客人。-店舖共有五款拉麵可供選擇，分別係白，黑，赤天王，而限定嘅拉麵分別係蕃茄天王同胡椒天王。胡椒天王鋪滿芝士，胡椒味超重帶點微辣～估唔到食拉麵都做到拉芝😆喉嚨同個胃即刻變至暖笠笠。雖然係胡椒，但一啲都唔嗆喉。胡椒稍為蓋過豬骨味道，味道唔錯😍蛋好新鮮，而叉燒我麻麻地。整體有水準，胡椒湯底好特別！好濃厚！好滿足既一餐😝😝如果麵條份量再多少少就完美~