緣味小聚 (金百利廣場) (已結業)

中午想同同事去食點心，兩個人叫左幾樣野，一個蒸籠飯，春卷同埋燒賣。蒜香開邊蒸大海蝦飯，蒜蓉味道都幾濃郁，海蝦大大隻，份量都唔少，套餐仲送一份有機蔬菜。全個蒸籠大大個咁上菜，非常之夠熱。蟹子燒賣，用料十足，鮮蝦夠大隻燒賣既香菇味都好出。蒜香蝦春卷，外皮炸得好香脆，但都有少少濃，味道不過不失。午市人流比較多，店員都好忙，等落單同埋上菜嘅時間要耐少少。呢度仲有午市點心放題價錢都幾抵，只係$69.8 無浪費食物仲有得減$10，所以人流都好多，如果我食飯時間長啲嘅話都會同同事去叫呢一個放題。