星座冰室 (已搬遷) 新店位置

果日中午出開黎尖沙咀行街，順便食埋野先番去。通常同朋友去尖沙咀都係夜晚，食親既餐廳都係響商場，所以都要二三百蚊一個人。反而晏就我就覺得隨便食就好，所以就黎左香檳大廈既星座冰室。呢間野要行樓梯落去地牢先到，途經幾塊夜總會招牌，同屋人去食，都有少少嚇親老人家，以為我帶佢去Ｄ咩地方。今次叫左蕃茄牛肉麵，星座冰室最出名就係蕃茄麵，同其他餐廳Ｄ蕃茄麵唔同既係，佢地個湯汁比較杰，每一口都全粒粒蕃茄，非常足料，Ｄ麵索曬蕃茄麵，惹味飽肚。